ပအိုဝ်ႏဒေႏသ သတင်ꩻမွန်ဗန်ရေꩻအတာႏ မာꩻလွေꩻပွယ်ꩻအုံကွံအကျောင်ꩻ..
အမျိုးသားရေး
နေင်ႏ ၁၃၈၇−ဗာႏ တောႏလင်ꩻလာဆန်ꩻ (၂)နီꩻမွူးနီꩻ တနင်ႏနွေႏ ဖြဝ်ꩻခမ်းအခဝ်နဝ် စင်းသင်းကောင်ခယ်ႏဒေႏသအကိုꩻ ဒေႏသသတင်ꩻမွန်ဗန်ရေꩻအတာႏ စင်းသင်းကောင်ခယ်ႏမီဒီယာသားစွိုꩻ မော့ꩻခွဲလွေꩻ ခမ်းဗွေႏဖုံႏအကျောင်ꩻသေထွꩻဗာႏနဝ်ꩻသွူ။
ပွယ်ꩻအုံကွံအကို မီဒီယာသားစွိုꩻ ဒင်ႏပျꩻနယ်လွေꩻ ကအီႏမာꩻလွေꩻဒါႏ မီဒီယာထာꩻမာꩻရဲဥ်ႏဖုံႏအတာႏ လိုႏအပ်ဒါႏ အခြွိုင်းအခြွိုꩻ တွမ်ႏ ကျုံႏတလူႏလွဥ်ဗာႏဒါႏအယပ်ꩻအခုဲင်ႏကိစ္စဖုံႏ အကျောင်ꩻနဝ်ꩻသွူ။
နဝ်ꩻထွူ ကထွာဒါႏ စင်းသင်းကောင်ခယ်ႏခမ်းဗွေႏဖုံႏတဲ့ အွဥ်ႏထွော့သေꩻခါꩻဖေႏ မီဒီယာရွုမ်ꩻ ခင်ႏလမ်းဖုံႏထွူ ကလိုႏအပ်ဒါႏမီဒီယာအခြွိုင်းအခြိုꩻဖုံႏတဲ့ မဲ့ꩻဖန်ဆင်ꩻလွေꩻဖေႏဒျာႏအကျောင်ꩻသေထွꩻဗားနဝ်ꩻသွူ။
နဝ်ꩻမꩻ ပွယ်ꩻအုံကွံအကို စင်းသင်းကောင်ခယ်ႏခမ်းဗွေႏ ပိုလ်ႏတန်ခွန်မောင်လှ၊ ပိုလ်ႏတန်ခွန်ရှိုး ၊ ဗျူဟာကယ်ꩻ ခွန်ကျော်အုံး တွမ်ႏ စင်းသင်းကောင်ခယ်ႏမီဒီယာစွုမ်ꩻစွိုꩻဖုံႏ ကျွထင်ႏလွဥ်ဝင်ꩻအကျောင်ꩻသေထွꩻဗာႏနုဲင်းနဝ်ꩻသွူသြ။
NIYO Media သည် အချက်အလက် တိကျမှုကို အလေးထားပါသည်။ ဤသတင်းတွင် အမှားတစ်စုံတစ်ရာ တွေ့ရှိပါက ">ကျွန်ုပ်တို့ထံ အကြောင်းကြားပါ — စစ်ဆေးပြီး ပြင်ဆင်ပေးပါမည်။
