ဥရောပတိုက်တွင် နှစ် ၁၂၀ အတွင်း ပထမဆုံး နေကြတ်အပြည့် သြဂုတ်(၁၂) ရက်နေ့တွင် ဖြစ်ပွား

သြဂုတ်(၁၂)၊၂၀၂၆။စပိန်

သြဂုတ်လ (၁၂) ရက်နေ့တွင် ဆိုက်ဘီးရီးယားအရှေ့ပိုင်း (ရုရှား)၊ အရှေ့ဘက် ဂရင်းလန်းကျွန်း၊ အနောက်ဘက် အိုက်စလန်ကျွန်း၊ စပိန်နိုင်ငံ မြောက်ပိုင်းတစ်ဝက်နှင့် ပေါ်တူဂီနိုင်ငံ အရှေ့မြောက်ထောင့်တို့ကို ဖြတ်သန်း၍ နေကြတ်အပြည့် ဖြစ်ပွားခဲ့သည်။ အမှောင်ကျချိန် အကြာဆုံးမှာ ၂ မိနစ် ၁၈ စက္ကန့် ရှိခဲ့သည်။

စပိန်နိုင်ငံပေါ်ဖြတ်သန်းစဉ် အမှောင်ကျ လမ်းကြောင်း အကျယ်မှာ ကီလိုမီတာ ၂၉၀ (မိုင် ၁၈၀) ခန့်ရှိပြီး၊ မြောက်ပိုင်း ပင်လယ်ကမ်းရိုးတန်းမှ ဘယ်လီရစ် ကျွန်းစုအထိ ဖြတ်သန်းခဲ့သည်။ မဒရစ်မြို့နှင့် ဘာစီလိုနာမြို့တို့၏ အလယ်ဗဟိုကိုမူ အနည်းငယ်ပင် လွှဲသွားခဲ့သည်။

ဤနေကြတ်အပြည့်မှာ ၁၉၉၉ ခုနှစ်ကတည်းက ဥရောပတိုက်ကြီးပေါ်တွင် ပထမဆုံးအကြိမ် ဖြစ်ပြီး၊ အိုင်ဘေးရီးယန်းကျွန်းဆွယ်နှင့် ဘယ်လီရစ် ကျွန်းစုတို့အပေါ်တွင်မူ နှစ် ၁၂၀ နီးပါး ကြာအောင် မဖြစ်ပွားခဲ့ဘဲ ယခုမှ ပထမဆုံးအကြိမ် ဖြစ်ပွားခြင်း ဖြစ်သည်။ ယင်းကြောင့် ကမ္ဘာအနှံ့မှ နေကြတ်ကြည့်ရှုသူများ စပိန်နိုင်ငံသို့ စုပြုံလာခဲ့ကြသည်။

(သတင်းရင်းမြစ် — timeanddate.com, NASA Science, National Eclipse)