ဖြားတန်ကောင်ခယ်ႏဗျူဟာ ဗျူဟာမှူး ဒုတိယပိုလ်ႏကဲႏတန် ခွန်သာထွန်း+မွိးနင်ꩻဟွမ်လꩻ နားဟွိုန်ꩻဗူႏလွူးစာႏဂလွေꩻ ပအိုဝ်ႏပေႏကျောင်ꩻသားမူႏခို အဟာႏရ
ပညာရေး
ဖြားတန်ကောင်ခယ်ႏဗျူဟာ ဗျူဟာမှူး ဒုတိယပိုလ်ႏကဲႏတန် ခွန်သာထွန်း+မွိးနင်ꩻဟွမ်လꩻ နားဟွိုန်ꩻဗူႏလွူးစာႏဂလွေꩻ ပအိုဝ်ႏပေႏကျောင်ꩻသားမူႏခို အဟာႏရ
မတ်လာ (၃၀)နီꩻ ၂၀၂၆နေင်ႏ
အထူꩻဒေႏသ(၆)၊ ဖြောဝ်ꩻခမ်း(အခေါဝ်နဝ်) ၊မျင်ꩻမိုရ်ႏခမ်း(အခေါဝ်ကွဥ်ႏ) ၊စင်းသင်းကောင်ခယ်ႏ ၊ဝေင်ꩻနယ်ႏလွယ်လဲမ်၊ ဝေင်ꩻပင်ႏလုံကို ပအိုဝ်ႏလိတ်လုဲင်ꩻတွမ်ႏ ယေန်ႏငဲႏရေꩻအစွိုꩻ အွဥ်ငါခမ်းသဲင်လာ ကဗွောင်သွဥ်ဒါႏ လိတ်ပအိုဝ်ႏယို ဖြားတန်ကောင်ခယ်ႏဗျူဟာ ဗျူဟာမှူး ဒုတိယပိုလ်ႏကဲႏတန် ခွန်သာထွန်း+မွိုးနင်ꩻဟွမ်လꩻ နားဟွိုန်ဗူႏ ဝေင်ꩻနမ့်စင် လွူးစာႏဂလွေꩻ ပအိုဝ်ႏပေႏကျောင်ꩻသားမူႏခို ‘စတော်ဘယ်ရီတွမ်ႏ ပေါင်မုန့်တဲင် ဗျူဟာမှူးကိုယ်ႏစာꩻ
ဝေင်ꩻပင်ႏလုံ (PNO) ရွုမ်ꩻတာႏဝန်ႏခံႏ ပိုလ်ႏတန်ခွန်မောင်လှ တွမ်ႏ အစွိုꩻ လူႏစာႏကလွေꩻပါအကျောင်ꩻသေထွꩻဗာႏနဝ်ꩻသွူ။
ရပ်ရာႏလိုꩻပေႏပညာႏလွိုင်ႏကွိုန်ꩻရေꩻကျောင်ꩻကို ကဗွောင်သွဥ်ဒါႏလိတ်ပအိုဝ်ႏယို ဗွောင်သွဥ်စဒဲဥ်သီႏဆန်ꩻ (၁)နီꩻ ဗ့ꩻလွေꩻဒဲဥ်ဟားတဲင် သွဥ်ထူႏလွေꩻပညာႏဖေႏနေးကပျောႏ စွုမ်ႏနီꩻ ပအိုဝ်ႏလိတ်လုဲင်ꩻတွမ်ႏ ယေန်ႏငဲးရေꩻအစွိုꩻ
အခေါဝ်ပေါင်ꩻစွုမ်ႏ အောဝ်ႏလွူး စာႏဂလွေꩻဖေႏ အဟာႏရ(တခိုး၊ဖျောႏထိီ) အကျောင်ꩻသေထွꩻဗာႏသွူ။
တယ်ႏသွဥ်စ မွူးရဝ်ꩻခိုႏ (၈)နားရီႏအခိန်ႏကျောင်ꩻသားလို့လို့ အုံစဲဥ်ႏထွူဝင်ꩻတဲင် ခံႏနွမ်ꩻလွေꩻ အလံႏတောႏ ရွစ်သွိုညီꩻဝင်ꩻ ပအိုဝ်ႏစွိုးခွိုꩻငေါဝ်းသချင်ꩻ ရွစ်သွိုညီꩻလွေꩻပါယင်း သစ္စာႏအဓိဌာန်ႏ ငေါဝ်းခြောဝ်အီ(၅)ချက် တွမ်ႏ လိတ်ပအိုဝ်ႏ ကျောင်ꩻသားအဓိဌာန်ႏ(၆)ချက်အကျောင်ꩻသေထွꩻဗာႏသွူ။
ဟန်ႏနေင်ႏကသွဥ်ထူႏဒါႏ လိတ်ပအိုဝ်ႏ ကျောင်ꩻသားခိုမူႏ အဝ်ႏအဖြာꩻပေါင်ꩻ (၃၇၀)လွို ၊ ဗွေႏဆရာႏနောဝ်ꩻအဝ်ႏ(၅)ပါꩻ၊ ဆရာႏမူႏနောဝ်ꩻအဝ်ႏ(၁၀)ဖြာꩻအကျောင်ꩻသေထွꩻဗာႏနဝ်ꩻသွူ။
NIYO Media သည် အချက်အလက် တိကျမှုကို အလေးထားပါသည်။ ဤသတင်းတွင် အမှားတစ်စုံတစ်ရာ တွေ့ရှိပါက ">ကျွန်ုပ်တို့ထံ အကြောင်းကြားပါ — စစ်ဆေးပြီး ပြင်ဆင်ပေးပါမည်။
