(၈၁)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် ဂနိုင်ကန်လမ်း (ကတ္တရာလမ်း + ကွန်ကရစ်လမ်း ) နှင့် ဂနိုင်ကန်သာယာ ကန်ပတ်လမ်း ဖွင့်ပွဲအခမ်းအနား ကျင်းပ

မတ်လ ၂၀ ရက်၊ ၂၀၂၆-ခုနှစ်
ရှမ်းပြည်နယ်(တောင်ပိုင်း)၊ တောင်ကြီးမြို့၊ ကျောင်းကြီးစုရပ်ကွက်၊ ဂနိုင်ကန်လမ်းမပေါ်၌ မတ်လ ၂၀ ရက် ယနေ့ နံနက် ၉ နာရီအချိန်တွင် (၈၁)နှစ်မြောက် တပ်မတော်နေ့ကို ကြိုဆိုဂုဏ်ပြုသောအားဖြင့် ဂနိုင်ကန်လမ်း (ကတ္တရာလမ်း + ကွန်ကရစ်လမ်း ) နှင့် ဂနိုင်ကန်သာယာ ကန်ပတ်လမ်း ဖွင့်ပွဲအခမ်းအနား ကျင်းပခဲ့ပါသည်။

ဖွင့်အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်အောင် မှ အဖွင့်အမှာစကားပြောကြားရာတွင် ဒေသခံတိုင်းရင်းသားပြည်သူများအနေနဲ့ မိမိတို့ဒေသဖွံ့ဖြိုးတိုးတက်ဖို့အတွက် “ တောင်ကြီးမြို့ ၊ ကျောင်း ကြီးစုရပ်ကွက် ၊ဂနိုင်ကန်လမ်း (ကတ္တရာလမ်းကွန်ကရစ်လမ်း) နှင့် ဂနိုင်ကန် သာယာအတွင်းမှာရှိတဲ့ ကန်(၃)ကန်နှင့်ကန်ပတ်လမ်းများ ပတ်ဝန်းကျင် သာယာလှပရေးများ” အား ရေရှည် တည်တံ့ခိုင်မြဲကောင်းမွန်အောင် ဝိုင်းဝန်းထိန်း သိမ်း စောင့်ရှောက်ပေးကြပါရန်၊ မိမိတို့ ဒေသအတွင်း အဆင့်မြှင့်တင် တိုးတက် ပြုပြင်ဖို့ ကျန်ရှိနေသေးတဲ့ လမ်း /တံတားများ ဆက်လက်ဆောင်ရွက်တဲ့အခါ မှာလည်း အတူတကွ ဝိုင်းဝန်းလက်တွဲပြီး ပူးပေါင်းဆောင်ရွက်ပေးကြပါလို့ တိုက် တွန်း ပြောကြားခဲ့ပါသည်။

ထို့နောက် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်အောင်နှင့် အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်မှူးချုပ်ကျော်နိုင်ဦး၊ပြည်နယ်တရားလွှတ်တော်တရားသူကြီးချုပ်ဦးသန်းဦးလွင်၊ ပြည်နယ်စီးပွားရေးရာဝန်ကြီး ဦးခွန်သိန်းမောင်၊ ပြည်နယ်လမ်းပန်းဆက် သွယ်ရေးရာဝန်ကြီး ဦးနေဝင်းအောင်တို့က ကျောင်းကြီးစုရပ်ကွက်၊ဂနိုင်ကန်လမ်းနှင့် ဂနိုင်ကန်သာယာကန်ပတ်လမ်း အား ဖဲကြိုးဖြတ်ဖွင့်လှစ်ပေးသည်။

ဆက်လက်၍ ပြည်နယ်ဝန်ကြီးချုပ်နှင့် အရှေ့ပိုင်းတိုင်းစစ်ဌာနချုပ်တိုင်းမှူးတို့မှ ဘင်ခရာ၊ ပန်းပွားအကအဖွဲ့နှင့် တိုင်းရင်းသားစာပေနှင့် ယဉ်ကျေးမှု အဖွဲ့များအား ဂုဏ်ပြုဆုများချီးမြှင့်ပေးခဲ့ပြီး ၎င်းနောက် ပြည်နယ်ဝန်ကြီးချုပ်နှင့် တာဝန်ရှိသူများက လမ်းဖွင့်ပွဲအထိမ်းအမှတ် မှတ်တမ်းတင်ဓါတ်ပုံရိုက်ကူးပြီး ဂနိုင်ကန် လမ်းအား လှည့်လည် စစ်ဆေးကြည့်ရှု ခဲ့ကြောင်းသိရသည်။

ထို့နောက် ဂနိုင်ကန်သာယာ( ကန် ၂ ၊ ကန် ၃ ) မုခ်ဦးရှေ့၌ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်အောင်မှ ရှမ်းပြည်နယ်စည်ပင်သာယာရေးဌာန နှင့် Ecocare Co., Ltd တို့အား ဂုဏ်ပြုမှတ်တမ်းလွှာပေးအပ်ပြီး ကိန္နရီ၊ ကိန္နရာ တိုးနယားအဖွဲ့နှင့် ဘင်ခရာပန်းပွားအဖွဲ့တို့အား ဂုဏ်ပြုဆုချီး မြှင့်သည်။

ယင်းနောက် ပြည်နယ်ဝန်ကြီးချုပ်နှင့် တာဝန်ရှိသူများက စုပေါင်းမှတ်တမ်းတင်ဓာတ်ပုံရိုက်ကူးကြပြီး ဂနိုင်ကန်သာယာကန်ပတ်လမ်းအား စစ်ဆေးကြည့်ရှုခဲ့ကြောင်း သိရသည်။

အဆိုပါ ဂနိုင်ကန်သာယာ ကန်ပတ်လမ်း ဖွင့်ပွဲအခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးအောင်အောင်နှင့် အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်မှူးချုပ်ကျော်နိုင်ဦး၊ပြည်နယ်တရားလွှတ်တော်တရားသူကြီးချုပ်ဦးသန်းဦးလွင်၊ ပြည်နယ်စီးပွားရေးရာဝန်ကြီး ဦးခွန်သိန်းမောင်၊ ပြည်နယ်လမ်းပန်းဆက် သွယ်ရေးရာဝန်ကြီး ဦးနေဝင်းအောင်၊ ဖိတ်ကြားထားသည့် ဧည့်သည်တော်များနှင့် တိုင်းရင်းသားစာပေယဥ်မှုအဖွဲ့များတို့က တက်ရောက်အားပေးခဲ့ကြောင်း သတင်းရရှိပါသည်။