ဝေင်ꩻနယ်ႏယေႏငံႏပအိုဝ်ႏဖုံႏသွဥ်ထူꩻချာလဲဥ်းလိတ်ပအိုဝ်ႏ

မတ်လ(၉)ရက်၊၂၀၂၆၊ရွာငံ
နေင်ႏ−၁၃၈၇ဗာႏ ဒဲဉ်သီႏလာလောင်း(၇)နီꩻ(၉−၃−၂၀၂၆)နီꩻ မွူးပင်ꩻ(၄)နာႏရီႏခိန်ႏ ဝေင်ꩻနယ်ႏယေႏငံႏ ကျောင်ꩻကျောက်ပွုံꩻကို ဗွေႏဆရာႏတောႏကျောင်ꩻနောင်တောင်ꩻတပဲ့သံဃာႏဆရာႏ/မူႏတွမ်ႏဝေင်ꩻနယ်ႏကလော်ꩻ(ပင်ႏတရား၊ယေႏငံႏ)ပအိုဝ်ႏလိတ်လုဲင်ꩻယေန်ႏငဲးရေꩻအစွိုꩻဆွန်ꩻစူဝင်ꩻတဲင် ဝေင်ꩻနယ်ႏယေႏငံႏကိုကအောဝ်ႏဒါႏပအိုဝ်ႏဒုံ(၁၀)ဒုံယံသွဥ်ထူႏချာလိတ်ပအိုဝ်ႏအတာႏ ဝေင်ꩻနယ်ႏကလော်ꩻ(ပင်ႏတရား−ယေႏငံႏ)ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻအွဥ်ငါဖေႏတဲင် ဗွေႏဆရာႏတောႏကျောင်ꩻနောင်တောင်ꩻတပဲ့သံဃာႏ ဆရာႏ/မူႏအပါꩻ/ဖြာꩻ(၃၀)ရပ်နောဝ်ꩻဖန်းဖြယ်ꩻလွေꩻ သွဥ်လိတ်ဌာန(၆)ထွောင်းအကျောင်ꩻ”ကလော်ꩻ ပင်ႏတရား ယေႏငံႏယို အုံအောဝ်ႏဗာႏဝင်ꩻလိုꩻမျိုꩻခြာထွူတကာႏတောဝ်း နီပအိုဝ်ႏနောဝ်ꩻထွာလိုꩻမျိုꩻဆေ့တဲ့မွေးမွေးတွော့ ပအိုဝ်ႏပေႏတွိုင်ꩻဖေႏကဒါႏလိတ်ပအိုဝ်ႏ ပအိုဝ်ႏဒုံတွိုင်ꩻဖေႏကသွဥ်ချာလိတ်ပအိုဝ်ႏနဝ်ꩻလိတ်/ယေန်ႏအနေႏအဝ်ႏကျိုꩻစာꩻလွေꩻဖေႏ”အကျောင်ꩻ ဝေင်ꩻနယ်ႏကလော်ꩻ(ပင်ႏတရား−ယေႏငံႏ)ပအိုဝ်ႏလိတ်လုဲင်ꩻယေန်ႏငဲးရေꩻအစွိုꩻ အွဥ်အကိုရေꩻခွန်ထွိုက်ခမ်း ဒေါ့ꩻလွေꩻနုဲင်းနောဝ်ꩻသွူ
ကလော်ꩻ ပင်ႏတရား ယေႏငံႏကိုကအောဝ်ႏဒါႏပအိုဝ်ႏဒုံဖုံႏ သွဥ်ထူႏလိတ်ပအိုဝ်ႏဆရာႏ/မူႏအယပ်အခုဲင်ႏမဥ်ႏအောဝ်ႏဒါႏနောဝ်ꩻ သွုပ်သွယ်ႏထေ့ꩻနွောင်ꩻဒျာႏ ခွန်ထွိုက်ခမ်း (လိတ်/ယေန်ႏအွဥ်အကိုရေꩻ)ဖုန်းမုဲင် ၀၉၂၅၁၁၆၇၇၂၁ လꩻဒျာႏအကျောင်ꩻသေထွꩻဗာႏနောဝ်ꩻသွူ