ပအိုဝ်ႏစွိုးခွိုꩻတပ်မတောႏ(PNA) တာႏဝွန်ႏအောဝ်ႏပုဂ္ဂိုလ်ႏဖုံႏ လင်ꩻမော့ꩻခွဲးလွေꩻခမ်းသားမွိုးဖါ ကျောင်ꩻနောင်ထောဝ်

စက်တင်ဘာ (၁၉) ၊ ၂၀၂၅

အထူꩻဒေႏသ(၆)၊ ပအိုဝ်ႏစွိုးခွိုꩻတပ်မတောႏ(PNA)၊ သူရိယခမ်း ခမ်းဗွေႏ၊ ဒုခမ်းဗွေႏ၊ လေမော်ꩻတန်ဝေင်ꩻနယ်ႏ၊ သထွုံႏပေႏဝေင်ꩻနယ်ႏ တာႏဝွန်ႏအောဝ်ႏပုဂ္ဂိုလ်ႏဖုံႏ မော့ꩻခွဲးစွော့ꩻတက်လွေꩻ ခမ်းသားမွိုးဖါဖုံႏ ကျောင်ꩻနောင်ထောဝ်ကိုနဝ်ꩻသွူ။

ကွပ်အယားသားစွိုꩻ လွဉ်အုံခိုႏတဲင် နောင်ထောဝ်တရပ်တစပ်ကို ခမ်းသားမွိုးဖါသီးဖုံႏယို ဖင်းလဲ့ဗာႏစဲ့ꩻဘေꩻထွူ ယိုခါ ပအိုဝ်ႏစွိုးခွိုꩻတပ်မတောႏ(PNA) ထိန်ꩻချွုတ်ချာလလဲဉ်းနဝ်ꩻမꩻ ခမ်းသားဖုံႏ သဲင်ꩻအုံစချာလဲဉ်းဒုံကိုအကျောင်ꩻ၊ ယိုမာꩻငါ ကွပ်စဲ့ꩻဘေꩻတဲင် ကကုဲင်ပြင်ꩻထိုꩻဒါႏ လမ်းပါႏ၊ သွဉ်လိတ်ကျောင်ꩻ၊ တသီႏယုံႏ တွမ်ႏ တျာႏမေႏဖုံႏယို အီႏမွဉ်းဖျင်စချာသွူအကျောင်ꩻ သေထွဗားနောဝ်သွူ။