အုံကွံတွိုင်ႏပင်ႏလွေꩻ ပညာႏရေꩻအကျောင်ꩻ
ပြည်တွင်း
ဇူလိုင်လာ ၂၇ နီꩻ Sunday
ထုဲင်ꩻခမ်း၊ Mahachulalongkon တက္ကသိုလ်ႏအကို တက္ကသိုလ်ႏကျောင်ꩻသားကထွာဒါႏပအိုဝ်ႏဗွေႏရဟန်ꩻသင်္ဃာႏသီးအွဥ်ငါ ပါတွမ်ႏတကာႏအမျာꩻ အုံကွံတွိုင်ႏပင်ႏလွေꩻ ဖြားတန်ကောင်ခယ်ႏပညာႏရေꩻကျောင်ꩻအကျောင်ꩻ။
ဝေင်ꩻနယ်ႏနမ်းစင် အွိုင်ႏဝမ်းပုံႏ ဒုံနောင်ခမ်ꩻအထျꩻ စင်ꩻဖာဖြားတန် ဆရာႏယုဲင်းတွမ်ႏပိုလီꩻစွိုꩻကလူႏခါꩻဒါႏဟံႏခင်ႏလမ်းအကို ခွိုင်းဝွို့တွမ်ႏ
ကအီႏတယ်ႏထောင်ႏလွေꩻဒါႏဖြားတန်ကောင်ခယ်ႏပညာႏရေꩻကျောင်ꩻ အုံကွံတွိုင်ႏပင်ႏပွယ်ꩻအကို အွဥ်ငါ ဗွေႏရဟန်ꩻသီး နေးတွမ်ႏထာꩻထီႏပေါင်ꩻစွုမ်ႏအဖဲ့ꩻဖဲ့ꩻတွော့ꩻ ဒေါ့ꩻဟောꩻခြုဲင်းနယ်လွေꩻဖေႏ ပညာႏရေꩻအကျောင်ꩻခရာႏ၊ နီလိုꩻသီးဖဝကို ပညာႏယိုနောဝ်ꩻ အရေꩻပါငါႏအကျောင်ꩻ၊ ပညာႏဖဲ့ꩻ မဥ်ႏတသွောင်းနဝ်ꩻ နမ်းတခြင် သꩻတခြင် ထုမ်ႏကျံႏလွူးနမ်းအတာႏလဲ့ꩻ ထွာအီထာꩻအာႏကွိုꩻတွော့ꩻ အီႏသွုပ်မာꩻကာငါ တယ်ႏထောင်ႏပါလွေꩻဒါႏ ပညာꩻရေꩻကျောင်ꩻအတာႏ မာꩻထွိုက်မာꩻသင်ꩻဒါႏအပွုံꩻ ကအီႏမာꩻလွေꩻဒါႏတဖူꩻရဲဥ်ႏကစဒါႏ ဟဝ်ရာꩻ ဟဝ်ရာꩻထာꩻထီႏဖုံႏယို ဖန်းဖြယ်ခြုဲင်းနယ်တွိုင်ႏပင်ႏလွေꩻဝင်ꩻ ကရေႏခါꩻဒါႏပညာꩻရေꩻကျောင်ꩻထာꩻမာꩻရဲဥ်ႏ ယမ်ဖေႏကအောင်ႏလꩻ ယမ်ကဗꩻကီနွောင်ꩻအတာႏ ဟဝ်ကျိုꩻစာꩻထဲင်းငါႏ ဖေႏအာႏငဝ်တမာထူႏပါ တပါꩻတွမ်ႏတပါꩻ တဖြာꩻတွမ်ႏတဖြာꩻ အကျံႏဥာဏ်ႏ တွိုင်ႏပင်ႏလွေꩻရောင်ဝင်ꩻသေထွꩻဗာႏနုဲင်းနဝ်ꩻသွူသြ။
NIYO Media သည် အချက်အလက် တိကျမှုကို အလေးထားပါသည်။ ဤသတင်းတွင် အမှားတစ်စုံတစ်ရာ တွေ့ရှိပါက ">ကျွန်ုပ်တို့ထံ အကြောင်းကြားပါ — စစ်ဆေးပြီး ပြင်ဆင်ပေးပါမည်။
