Hubble ထက် ကြည့်ကွင်း ၁၀၀ဆ ကျယ်သော Roman အာကာသရုပ်ပြန်ကြေးမှန် သြဂုတ်(၃၀)ရက် လွှတ်တင်တော့မည်

သြဂုတ်(၁၇)၊၂၀၂၆။အမေရိကန်

NASA ၏ ပထမဆုံး အဓိကနက္ခတ္တဗေဒပညာရှင် နာန်စီ ဂရေ့စ် ရိုမန် (Nancy Grace Roman) ၏ နာမည်ကို တပ်ထားသော အာကာသရုပ်ပြန်ကြေးမှန်သည် သြဂုတ်လ (၃၀) ရက် နံနက် (၇:၂၆) နာရီ (အမေရိကန် အရှေ့ပိုင်းစံတော်ချိန်) တွင် SpaceX ၏ Falcon Heavy ဒုံးဖြင့် ဖလော်ရီဒါပြည်နယ် ကနေဒီအာကာသစခန်း Launch Complex 39A မှ လွှတ်တင်တော့မည် ဖြစ်သည်။ ဤလွှတ်တင်မှုမှာ မူလစီစဉ်ထားသည်ထက် ရှစ်လ စောစွာ ဖြစ်သည်။

Roman ရုပ်ပြန်ကြေးမှန်၏ ကြည့်ကွင်းအကျယ်မှာ Hubble ရုပ်ပြန်ကြေးမှန်ထက် ၁၀၀ဆ ကျယ်သဖြင့် ကောင်းကင်၏ ကျယ်ပြန့်သောနေရာများကို အချိန်တိုအတွင်း ရိုက်ကူးနိုင်မည် ဖြစ်သည်။ အာကာသသို့ ရောက်ရှိပြီးနောက် နေ-မြေ Lagrange အမှတ် L2 တွင် James Webb အာကာသရုပ်ပြန်ကြေးမှန်နှင့် အတူ ရောက်ရှိမည် ဖြစ်သည်။

Roman ၏ အဓိကရည်မှန်းချက်မှာ dark energy နှင့် dark matter တို့ကို လေ့လာရန်ဖြစ်ပြီး၊ galaxy သန်းတစ်ထောင်ခန့်ကို ရိုက်ကူးမည့်အပြင် microlensing နည်းပညာဖြင့် ဂြိုလ်ပြင်ပ ဂြိုလ် ၁,၀၀၀ ကျော်ကိုပါ ရှာဖွေတွေ့ရှိနိုင်မည်ဟု မျှော်လင့်ထားသည်။ အဓိကတာဝန် ငါးနှစ်ကြာမည်ဖြစ်ပြီး၊ နောက်ထပ် ငါးနှစ် တိုးမြှင့်နိုင်ခြေလည်း ရှိသည်။

(သတင်းရင်းမြစ် — NASA, NASA JPL, Engadget)