ရက်(၁၀၀) စီမံကိန်းလမ်းလုပ်ငန်းများ ရာနှုန်းပြည့်ပြီးစီးမှုအား လျှပ်စစ်၊ စွမ်းအင်၊ စက်မှုနှင့် လမ်းပတ်ဆက်သွယ်ရေးဝန်ကြီးခွန်သန်းထူး ကွင်းဆင်းစစ်ဆေး

မေလ(၁၄)ရက်၊ ၂၀၂၆
ရှမ်းပြည်နယ်တောင်ပိုင်းအတွင်း အကောင်အထည်ဖော်ဆောင်ရွက်လျက်ရှိသော ရက်(၁၀၀) စီမံကိန်းလမ်းလုပ်ငန်းများ ရာနှုန်းပြည့်ပြီးစီးမှုအခြေအနေအား ပြည်နယ်အစိုးရ အဖွဲ့ဝင် လျှပ်စစ်၊ စွမ်းအင်၊ စက်မှုနှင့် လမ်းပတ်ဆက်သွယ်ရေးဝန်ကြီး ဦးခွန်သန်းထူးက ကွင်းဆင်းစစ်ဆေးခဲ့ကြောင်း သိရသည်။

စစ်ဆေးရာတွင် တောင်ကြီး–စလဲ–လဲသက်လမ်း အပိုင်းရှိ (၄.၀၂၀ – ၄.၄၂၀) ကီလိုမီတာအတွင်း လမ်းအကျယ် (၁၈.၂၈) မီတာအထိ တိုးချဲ့ကာ (၅.၅) မီတာအကျယ် ကတ္တရာလမ်းခင်းခြင်းလုပ်ငန်းနှင့် ပလီလင်းကျေးရွာအတွင်း (၁၅၀) မီတာ လမ်းခင်းခြင်းလုပ်ငန်းများအား ကြည့်ရှုစစ်ဆေးခဲ့ပြီး အဆိုပါလုပ်ငန်းများမှာ ရာနှုန်းပြည့်ပြီးစီးနေပြီဖြစ်ကြောင်း သိရသည်။

ထို့နောက် ဝန်ကြီးက လမ်းအရည်အသွေး ကောင်းမွန်စေရေး၊ ရေရှည်အသုံးပြုနိုင်ရေးနှင့် ပြည်သူများ သွားလာမှုအဆင်ပြေစေရေးတို့အတွက် လိုအပ်သည်များ မှာကြားခဲ့ကြောင်းသိရသည်။