ပင်လုံမြို့ (၅၈)ကြိမ်မြောက် အစိုးရပါဠိပထမပြန်စာမေးပွဲ အောင်မြင်တော်မူသော သံဃာတော် များအား (စူဠဆုဘွဲ့နှင်းသဘင်) အောင်လက်မှတ် နဝကမ္မဝတ္ထုဆက်ကပ်လှူဒါန်းခြင်း အခမ်းအနားအစီအစဉ်ကျင်းပ

ဧပြီလ ၄ ရက်၊ ၂၀၂၆-ခုနှစ်
ရှမ်းပြည်နယ်(တောင်ပိုင်း)၊ ပင်လုံမြို့တွင် သာသနာရေးနှင့်ယဥ်ကျေးမှုဝန်ကြီးဌာန၊ သာသနာရေးဦးစီးဌာနက ကြီးမှူးကျင်းပသော ၂၀၂၅ခုနှစ် (၅၈)ကြိမ်မြောက် အစိုးရပါဠိပထမပြန်စာမေးပွဲ အောင်မြင်တော်မူသော သံဃာတော် များအား (စူဠဆုဘွဲ့နှင်းသဘင်)အောင်လက်မှတ် နဝကမ္မဝတ္ထုဆက်ကပ်လှူဒါန်းခြင်း အခမ်းအနားကို သာသနာတော်နှစ်- ၂၅၆၉ ၊ ကောဇာသက္ကရာဇ် ၁၃၈၇ခုနှစ် ၊ နှောင်းတန်ခူးလဆုတ်(၃)ရက်၊ (၄.၄.၂ဝ၂၆) စနေနေ့ နံနက်(၉:ဝဝ)နာရီ မဟာရဋ္ဌာဘိသာမဂ္ဂီစေတီတော်မြတ် ဘာသန့လှိုဏ်ဂူတော်အတွင်းမှာ ကျင်းပခဲ့ကြောင်းသိရပါသည်။

အစီစဥ်ပထမပိုင်းမှာ ဆရာ နှင့် ဒကာ နမောတဿ(၃)ကြိမ်ရွတ်ဆို၍ အခမ်းအနားစတင်ဖွင့်လှစ်ပြီး တရားနာပရိတ်သတ်များမှ ရတနာမြတ်သုံးပါးကို ကန်တော့၍ ပင်လုံမြို့ပညာဘူမိကျောင်းဆရာတော် ဘဒ္ဒန္တ ဝရသာမိ ဆရာတော်မြတ်ဘုရားထံ ငါးပါးသီလခံယူဆောက်တည်ခဲ့ကြောင်းသိရပါသည်။

ဆက်လက်ပြီး အလှူရှင်များမှ (၅၈)ကြိမ်မြောက် ပါဠိပထမပြန်စာမေးပွဲတွင် အောင်မြင်တော်မူသောစာအောင်သံဃာ တော်များအား အောင်လက်မှတ် နှင့် နဝကမ္မဝတ္ထုဆက်ကပ်လှူဒါန်းခဲ့ပြီး ပင်လုံမြို့ပညာဘူမိကျောင်းဆရာတော်ဘဒ္ဒန္တ ဝရသာမိ ထံ အနုမောဒနာတရားတော်နာယူခဲ့ကြောင်းသိရပါသည်။

တရားတော်နာယူပြီးနောက် ဆွမ်းအလှူရှင် နှင့် ဖျော်ရည်အလှူရှင်များအား ဂုဏ်ပြုမှတ်တမ်းလွှာပေးအပ်ချီးမြှင့်ခဲ့ပြီး အစိုးရပါဠိပထမပြန်စာမေးပွဲ ပွဲဖြစ်မြောက်ရေး ဒု – ဥက္ကဌ ဦးစိုင်းမွန်း မှကျေးဇူးတင်စကားပြောကြားခဲ့ပါသည်။
နောက်ဆုံးမှာ ဆရာနှင့်တကာ ဗုဒ္ဓ သာသနံ စိရံတိဋ္ဌတု(၃)ကြိမ်ရွတ်ဆို၍ အခမ်းအနား ပြီး မြောက် အောင်မြင်ကြောင်း ကြေငြာခဲ့ပါသည်။

၂၀၂၅ခုနှစ် အစိုးရပါဠိပထမပြန်စာမေးပွဲ အောင်မြင်တော်မူသော သံဃာတော်များမှာ ပထမကြီးတန်းအောင်(၃)ပါး ၊ပထမငယ်တန်းအောင်(၈) ပါး၊ အခြေပြုမူလတန်းအောင်(၃၆) ပါး ရှိကြောင်းသိရပါသည်။
(၅၈)ကြိမ်မြောက် အစိုးရပါဠိပထမပြန်စာမေးပွဲ အောင်မြင်တော်မူသော သံဃာတော် များအား (စူဠဆုဘွဲ့နှင်းသဘင်)အောင်လက်မှတ် နဝကမ္မဝတ္ထုဆက်ကပ်လှူဒါန်းခြင်း အခမ်းအနားအစီအစဉ်ကို မြို့နယ်သံဃနာယက ဥက္ကဋ္ဌ နောင်ကွတ်ကျောင်းတိုက်ဆရာတော်ဘဒ္ဒန္တပညာဗလ၊ ပညာဘူမိကျောင်းတိုက်ဆရာတော် ဘဒ္ဒန္တဝရသာမိ ၊လွိုင်လင်မြို့နယ်ခရိုင်အုပ်ချုပ်ရေးမှူးဦးကြည်မြင့် ၊ သံဃာတော်များ၊ ခရိုင်အုပ်ချုပ်ရေးမှူး၊ မြို့နယ်အုပ်ချုပ်ရေးမှူး၊ တပ်ရင်းတာဝန်ရှိပုဂ္ဂိုလ်များ၊ ဌာနဆိုင်ရာတာဝန်ရှိပုဂ္ဂိုလ်များ၊ လှုမှုရေးဆိုင်ရာအသင်းအဖွဲ့ များနှင့် သာသနာရေးဆိုင်ရာအသင်းအဖွဲ့ များ၊ပအိုဝ်းစာပေနှင့်ယဥ်ကျေးမှုအဖွဲ့၊ ရှမ်းစာပေနှင့်ယဥ်ကျေးမှုအဖွဲ့၊ တောင်ရိုးစာပေနှင့်ယှဥ်ကျေးမှုအဖွဲ့ တက်ရောက်ခဲ့ကြောင်းသိရပါသည်။