ဖြားတန်ခွန်ဝင်းကိုလင်ꩻမော့ꩻခွဲးဖေႏအာႏလွေꩻလိုꩻယွဲးကျောင်ꩻသားခွန်/နင်ꩻသွဥ်ထူႏလိတ်ပအိုဝ်ႏဒုံတရျက်ꩻပူႏကို
ဘာသာရေး
မတ်လာꩻ(၂၈)နီꩻ၊၂၀၂၆၊ကလော်ꩻ
စန္တာႏခမ်း ဝေင်ꩻနယ်ႏကလော်ꩻ(ပင်ႏတရား−ယေႏငံႏ)ပအိုဝ်ႏလိတ်လုဲင်ꩻယေန်ႏငဲးရေꩻအစွိုꩻတွမ်ႏဝေင်ꩻနယ်ႏကလော်ꩻဒုံတရျက်ꩻပူႏ(သရက်ပု)ဆရာႏ−တကာႏဆွန်ꩻစူဝင်ꩻတဲင်ဗွောင်သွဥ်လွေꩻ ခမ်းသဲင်လာသွဥ်ထူႏလိတ်ပအိုဝ်ႏတွမ်ႏယေန်ႏကေႏလိမ္မာႏသွဥ်တန်ꩻကို ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ(ဗဟိုႏ)ဥက္ကဌတန် ဖြားခွန်ဝင်းကိုတွမ်ႏယေန်ႏငဲးရေꩻအကျူႏပဒေႏသာႏစွိုꩻဖုံႏ(၂၈−၃−၂၀၂၆)နီꩻနောဝ်ꩻလင်ꩻဖေႏအာႏလွေꩻ ဒုံတရျက်ꩻပူႏ(သရက်ပု)ကို ကအောဝ်ႏသွဥ်ထူႏဒါႏလိတ်ပအိုဝ်ႏကျောင်ꩻသားခွန်/နင်ꩻဖုံႏအကျောင်ꩻ သေထွꩻဗာႏသွူ။
အခန်ꩻအနာꩻကို ဗွေႏဆရာႏတောႏကျောင်ꩻမြို့မ ဝေင်ꩻကလော်ꩻနဝ်ꩻမိန်းလင်ꩻဖေႏငေါဝ်းငွါသြဝါဒတွမ်ႏ ဝေင်ꩻနယ်ႏကလော်ꩻပအိုဝ်ႏလိတ်လုဲင်ꩻယေန်ႏငဲးရေꩻအစွိုꩻဥက္ကဌဖြားခွန်သူႏတောႏဒေါ့ꩻဖေႏငေါဝ်းရပ်ကျိုႏဆွုမ်ႏထွူ ပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻအစွိုꩻ(ဗဟိုႏ)ဉက္ကဌတန် ဖြားခွန်ဝင်းကိုနောဝ်ꩻ ဒေါ့ꩻလွေꩻဖေႏ စွိုးခွိုꩻရေꩻရာႏကထွာဒါႏ(လိတ်လုဲင်ꩻ ကွဥ်က အဒေါ့ꩻအဖြောဝ်ႏ)ဖုံႏပအိုဝ်ႏစွုမ်ႏဖြာꩻ ဟောဝ်ထိန်ꩻသိမ်ꩻငါႏ ဟောဝ်အွဥ်ႏဖေင်ꩻတောဝ်းဝင်ꩻအကျောင်ꩻ ဒေါ့လွေꩻဖေႏကျောင်ꩻသားခွန်/နင်ꩻငေါဝ်းဖေႏအာႏထွူ ဖြားခွန်ဝင်းကိုဖေႏအပ်လူႏလွေꩻပါသွဥ်တန်ꩻတွက်တာႏရွဥ်အလူႏငတ်သိန်ꩻဗီႏအကျောင်ꩻ သေထွꩻဗာႏသွူ။
အောဝ်ႏနောဝ်ꩻထွူပအိုဝ်ႏလိတ်လုဲင်ꩻတွမ်ႏယေန်ႏငဲးရေꩻ(ဗဟိုႏ)အကျူႏပဒေႏသာႏစွိုꩻနောဝ်ꩻ ကျူႏဗျာႏနယ်လွေꩻဖေႏယိုꩻယာႏအကျူႏပဒေႏသာႏတွမ်ႏခေတ်အကျူႏပဒေႏသာႏ မွန်းပျောႏရေꩻဖုံႏအကျောင်ꩻ ဒုံတရျက်ꩻပူႏ(သရက်ပု)ယိုလမ်းဗာႏအောဝ်ႏ(၅၀၀)ရပ် လိုꩻဖြာꩻပေါင်ꩻအောဝ်ႏ(၁၇၀၀)ရပ်အကျောင်ꩻ သွဥ်ထူႏချာလိတ်ပအိုဝ်ႏယိုဟန်ႏနေင်ႏနောဝ်ꩻထွာ ဒုတိယလဲင်ႏအကျောင်ꩻ ကျောင်ꩻသားအဖြာꩻပေါင်ꩻအောဝ်ႏ(၂၀၀)လွိုတွမ်ႏ သွဥ်နယ်(နည်းပြ)ဆရာႏ/မူႏ အောဝ်ႏသွဥ်လွေꩻဖေႏထွူ ဆရာႏ/မူႏနောဝ်ꩻထွာဒျာႏ ဗွေႏဆရာႏတောႏကျောင်ꩻနောင်တောင်ꩻတပဲ့ꩻတွမ်ႏပအိုဝ်ႏလိုꩻယွဲးစွိုꩻ(KPYO)သွဥ်တန်ꩻလင်ꩻဆရာႏ/မူႏဖုံႏအောဝ်ႏသွဥ်လွေꩻဖေႏအကျောင်ꩻသေထွꩻဗာႏနောဝ်ꩻသွူ။
NIYO Media သည် အချက်အလက် တိကျမှုကို အလေးထားပါသည်။ ဤသတင်းတွင် အမှားတစ်စုံတစ်ရာ တွေ့ရှိပါက ">ကျွန်ုပ်တို့ထံ အကြောင်းကြားပါ — စစ်ဆေးပြီး ပြင်ဆင်ပေးပါမည်။
