ကိုးန၀င်းဆုꩻတောင်ꩻဗွေ နောင်ခမ်ꩻစေႏတီႏတောႏ မာꩻလွေꩻဗုဒ္ဓါဘိသေကအနေကဇာႏတွမ်ႏ ပဌာန်ꩻအောင်ႏပွယ်ꩻကို ဥက္ကဌဖြားတန်ခွန်စံလွင် ကျွꩻထင်ႏခီႏမျောက်လွေꩻ
ဘာသာရေး
ကိုးန၀င်းဆုꩻတောင်ꩻဗွေ နောင်ခမ်ꩻစေႏတီႏတောႏ မာꩻလွေꩻဗုဒ္ဓါဘိသေကအနေကဇာႏတွမ်ႏ ပဌာန်ꩻအောင်ႏပွယ်ꩻကို ဥက္ကဌဖြားတန်ခွန်စံလွင် ကျွꩻထင်ႏခီႏမျောက်လွေꩻ
လာဖေဖော်၀ါရီ ၂၆ နီꩻ၊ ၂၀၂၆
အထူꩻဒေႏသ(၆)၊ ပအို၀်ႏနမ်းပဲင်ႏအုပ်ချွုတ်ခွင်ꩻလꩻဒေႏသ၊ ၀ေင်ꩻနယ်ႏသီႏသဲင်ႏ၊ အွိုင်ႏနောင်ခမ်ꩻ၊ ကိုးန၀င်းဆုꩻ တောင်ꩻဗွေ နောင်ခမ်ꩻစေႏတီႏတောႏ မာꩻလွေꩻဗုဒ္ဓါဘိသေကအနေကဇာႏတွမ်ႏ ပဌာန်ꩻအောင်ႏပွယ်ꩻအခန်ꩻအနာꩻယို လာဖေဖော်၀ါရီ ၂၆ ဒဲဥ်သီႏလာဆန်ꩻ(၁၁)နီꩻ မွူးနီꩻကျာႏသပတေꩻ မွူးရ၀်ꩻခိုႏ(၉း၀၀)နားရီႏအခိန်ႏ ဥက္ကဌဖြားတန် ခွန်စံလွင် ကျွꩻထင်ႏခီႏမျောက်လွေꩻ နော၀်ꩻသွူ။
ရီးသွတ်ꩻအခန်ꩻအနာꩻကို ပအို၀်ႏစွိုးခွိုꩻ အွဥ်ငါဆောင်းတန်သီးယို အွဥ်ႏအထျꩻတဲင် ဘုရာꩻတကာႏ စင်ꩻဖါဖြားတန် ခွန်စံလွင် +ဘုရာꩻတကာႏမ စင်ꩻမွိုးနင်ႏတင်တင်၀င်း သီးတလမ်းလွုမ်းတွမ်ႏ ပအို၀်ႏစွိုးခွိုꩻအစွိုꩻ(PNO)ပါတီ လွတ်တောႏအမတ်ဖုံႏတွမ်ႏ ရပ်မွိုးရပ်ဖာသီး ခံႏထူႏလွေꩻ သီႏလငတ်ꩻပါꩻ ဗွေႏဆရာႏတောႏကျောင်ꩻ သာသနာ လင်္ကာရထျꩻထွူ နာႏထူႏလွေꩻပါ ဗွေႏသံႏဃာႏသီး ပရိမေတ္တာႏတရာꩻ တောႏနော၀်ꩻမꩻ ကပင်ꩻကျွꩻလွဥ်ဒါႏ သံႏဃာႏ ကျောင်ꩻပေါင်ꩻ(၁၈)ကျောင်ꩻ ကပ်လူႏလွေꩻ ဗွေႏသံႏဃာႏတောႏသီး အလူႏန၀ကမ္မ၀တ္ထုတဲင် နေးထူႏနာႏလွေꩻပါ အနုမောဒနာႏတရာꩻ သာသနာလင်္ကာရထျꩻထွူ ဆျာꩻထီ၀ွေႏအမျ ဖန်းလွေꩻကုသိုလ်ႏ ထူႏသိမ်ꩻချာအခန်ꩻအနာꩻ အကျောင်ꩻ သေထွꩻဗာႏနော၀်ꩻသွူ။
အခန်ꩻအနာꩻကို ဘုရာꩻတကာႏ စင်ꩻဖါဖြားတန်ခွန်စံလွင် +ဘုရာꩻတကာႏမ စင်ꩻမွိုးနင်ႏတင်တင်၀င်း သီးတ လမ်းလွုမ်းတွမ်ႏ ပအို၀်ႏနမ်းပဲင်ႏအုပ်ချွုတ်ခွင်ꩻလꩻဒေႏသ အွဥ်ငါတာႏ၀ွန်ႏအော၀်ႏပုဂ္ဂိုလ်ႏ၊ ပအို၀်ႏစွိုးခွိုꩻအစွိုꩻ (PNO)ပါတီ လွတ်တောႏအမတ်ဖုံႏတွမ်ႏ ရပ်မွိုးရပ်ဖာသီးဖုံႏ ကျွꩻဖေႏအာႏလွေꩻ၀င်ꩻအကျောင်ꩻ သေထွꩻဗာႏနော၀်ꩻသွူ။
NIYO Media သည် အချက်အလက် တိကျမှုကို အလေးထားပါသည်။ ဤသတင်းတွင် အမှားတစ်စုံတစ်ရာ တွေ့ရှိပါက ">ကျွန်ုပ်တို့ထံ အကြောင်းကြားပါ — စစ်ဆေးပြီး ပြင်ဆင်ပေးပါမည်။
