သတ္တမအလဲင်ႏ ပအိုဝ်းစွိုးခွိုꩻညီႏလာႏခံႏ ယံအောင်ႏမျင်ႏနွောင်ꩻအီအတာႏ မာꩻလွေꩻပွယ်ꩻအုံကွံ
ပြည်တွင်း
စက်တင်ဘာလာ ၂၂ နီꩻ၊ ၂၀၂၅၊ အထူꩻဒေႏသ(၆)
သတ္တမအလဲင်ႏ ပအိုဝ်းစွိးခွိꩻညီႏလာႏခံႏ ယံအောင်ႏမျင်ႏနွောင်ꩻအီအတာႏ ဟန်ႏသနီꩻ စက်တင်ဘာလာ ၂၂နီꩻ၊ မွူးနီꩻတနင်္လာႏ၊ ဝေင်ꩻတောင်ႏကီꩻ၊ ပအိုဝ်ႏစွိးခွိꩻအစွိꩻ(PNO)ခမ်းထီဌာႏနချွုတ်ရွုမ်ꩻကို ညီႏလာႏခံႏထွာနွောင်ꩻရေꩻကောႏမတီႏစွိꩻ မာꩻလွေꩻ ပွယ်ꩻအုံကွံ အကျောင်ꩻ သေထွꩻဗာႏနောဝ်ꩻသွူ။
ပွယ်ꩻအုံကွံအကို ညီႏလာႏခံႏထွာနွောင်ꩻရေꩻကောႏမတီႏဥက္ကဌ ဖြားခွန်စံလွင် ဒေါ့ꩻလွေꩻ အဗွောင်ꩻငေါဝ်းငွါတဲင် ဆွေꩻနွေꩻတွိင်ႏပင်ႏလွေꩻဝင်ꩻ ကအီႏဒင်ႏသွင်ꩻလွေꩻဒါႏ ညီႏလာႏခံႏလိတ်အစီႏရင်ႏခံႏကိစ္စဖုံႏ၊ ကအီႏမွဉ်းဖျင်တသာထဲင်းယင်းဒါႏ ပအိုဝ်ႏစွိးခွိꩻအစွိꩻ(PNO) ဗဟိုႏကောႏမတီႏတွမ်ႏ ဗဟိုႏထာꩻမာꩻအမုꩻဆောင်ႏကိစ္စဖုံႏ၊ ညီႏလာႏခံႏ ယံအောင်ႏမျင်ႏအီႏတာႏ ကလိုႏခွုမ်ꩻမာꩻဒါႏ ဖျင်ꩻဆင်ꩻမုꩻကိစ္စဖုံႏ အကျောင်ꩻ သေထွꩻဗာႏ နောဝ်ꩻသွူ။
သတ္တမအလဲင်ႏ ပအိုဝ်းစွိးခွိꩻညီႏလာႏခံႏယို အီႏမာꩻလွေꩻ စက်တင်ဘာလာ ၂၅ တွမ်ႏ ၂၆ နီꩻကိုအကျောင်ꩻ သေထွꩻဗာႏ နောဝ်ꩻသွူ။
NIYO Media သည် အချက်အလက် တိကျမှုကို အလေးထားပါသည်။ ဤသတင်းတွင် အမှားတစ်စုံတစ်ရာ တွေ့ရှိပါက ">ကျွန်ုပ်တို့ထံ အကြောင်းကြားပါ — စစ်ဆေးပြီး ပြင်ဆင်ပေးပါမည်။
