ကာ/လုံ ဗဟိုအကြံပေးအဖွဲ့ဝင် ဖြားခွန်စံလွင်က ဒေသတရားရုံး ဆောက်လုပ်ပြီးစီးမှုအခြေအနေများကို သွားရောက်ကြည့်ရှု

ဩဂုတ်လ ၉ ရက်၊ ၂၀၂၅၊ ဟိုပုံး
အမျိုးသားကာကွယ်ရေးနှင့်လုံခြုံရေးကောင်စီ၏ ဗဟိုအကြံပေးအဖွဲ့ဝင် ဖြားခွန်စံလွင်သည် ဒီကနေ့ ဩဂုတ်လ ၉ ရက်နေ့၊ စနေနေ့တွင် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ ဒေသဦးစီးရုံးဝန်းတွင် ဆောက်လုပ်လျက်ရှိသည့် ပအိုဝ်းကိုယ်ပိုင်အုပ်ချုပ်ခွင့်ရဒေသ တရားရုံးအဆောက်အဦး ဆောက်လုပ်ပြီးစီးမှု အခြေအနေများကို သွားရောက်ကြည့်ရှုခဲ့ပြီး လိုအပ်သည်များ မှာကြားခဲ့ကြောင်း သိရသည်။
အဆိုပါ ပအိုဝ်းကိုယ်ပိုင်အုပ်ချုပ်ခွင့်ရဒေသ တရားရုံးကို ၂၀၂၀ ခုနှစ်တွင် စတင်တည်ဆောက်ခဲ့ပြီး ယခုလ မကုန်ခင်၌ ရုံးဖွင့်ပွဲ ပြုလုပ်မည် ဖြစ်ကြောင်းသိရသည်။