ပန်သခွါး အခြေခံပညာအထက်တန်းကျောင်းတွင် ပညာရေးစုံညီပွဲတော်နှင့်ဆုပေးပေးအပ်ခြင်းအခမ်းအနားကျင်းပပြုလုပ်
ပညာရေး
ပန်သခွါး အခြေခံပညာအထက်တန်းကျောင်းတွင် ပညာရေးစုံညီပွဲတော်နှင့်ဆုပေးပေးအပ်ခြင်းအခမ်းအနားကျင်းပပြုလုပ်
ဇန်နဝါရီ (၉)ရက်၊ ၂၀၂၆
ရှမ်းပြည်နယ်တောင်ပိုင်း တောင်ကြီးမြိုနယ် အခြေခံပညာအထက်တန်းကျောင်း ပန်သခွားကျောင်းတွင် ၂၀၂၅-၂၆ ပညာရည်ချွန်ဆုပေးပွဲ အခမ်းအနားကျင်းပပြုလုပ်ခဲ့ကြောင်းသိရသည်။
အဆိုပါ အခမ်းအနားတွင် နံနက်(၉)နာရီအချိန်တွင် စတင်ဖဲကြိုးဖြတ်ဖွင့်လှစ်ခဲ့ပြီး တောင်ကြီးမြို့နယ်၊ ဒုမြို့နယ်ပညာရေးမှူး ဦးမိုးဇင်အောင်မှ အဖွင့်အမှာစကားပြောကြားခဲ့ကာ ပအိုဝ်းစာပေနှင့်ယဉ်ကျေးမှု(ဗဟို)ဥက္ကဌ၊ ကျောင်းအကျိုးတော်ဆောင် ဦးခွန်ဝင်းကိုမှ ပညာရေးနှင့်ပတ်သက်သော အကြောင်းအရာများကိုပြောကြားခဲ့ကြောင်းသိရပါသည်။
ထိုနောက်မှာတော့ ပန်တခွါးကျောင်းအုပ်ဆရာကြီး ဦးဝင်းခိုင်မှာ ကျေးဇူးတင်စကားပြောကြားပြီး မြို့နယ်နယ်အဆင့်အာရှမြန်မာသီချင်းဖြင့် ပထမဆုရရှိသော ကျောင်းသား၊ ကျောင်းသူများအား ဒိုင်းဆုပေးအပ်ခြင်း၊ မြို့နယ်အဆင့် ဒုတိယဆုရရှိသော မြန်မာ့သိုင်းအားကစားကျောင်းသား၊ ကျောင်းသူများအား ဆုများပေးအပ်ခြင်း၊ မြို့နယ်အဆင့် ပထမဆုရရှိသော အေရိုးဘစ်အားကစား ကျောင်းသူများအား ဆုများပေးအပ်ခြင်း၊ မြို့နယ်အဆင့် အငယ်တန််း တတိယဆုရရှိသော ကျောင်းသူများအား ဆုပေးအပ်ခြင်း၊ G-12 ကျောင်းသူများမှ ပြည်ထောင်စုအလှသီချင်းဖြင့် ဖျော်ဖြေတင်ဆက်ခြင်း၊ ပညာရည်ချွန်ဆုရ ကျောင်းသား၊ ကျောင်းသူများအား ဆုပေးအပ်ခြင်း အစီအစဉ်များကိုဆောင်ရွက်ခဲ့ပြီးနောက် ကျောင်းသား၊ ကျောင်းသူများမှ အကပဒေသာများဖြင့် ဖျော်ဖြေတင်ဆက်ခဲ့ကြကြောင်းသိရပါသည်။
ခွန်ဘိုဟန်ကျော်
နီယိုမီဒီယာသတင်းဌာန
ခွန်ဖြားဗွာခမ်း
NIYO Media သည် အချက်အလက် တိကျမှုကို အလေးထားပါသည်။ ဤသတင်းတွင် အမှားတစ်စုံတစ်ရာ တွေ့ရှိပါက ">ကျွန်ုပ်တို့ထံ အကြောင်းကြားပါ — စစ်ဆေးပြီး ပြင်ဆင်ပေးပါမည်။
