၂၀၂၆-၂၀၂၇ ပညာသင်နှစ် ရှမ်းပြည်နယ်ကျောင်းအပ်နှံရေးသီတင်းပတ် မြေစိုက်ပိုစတာ စိုက်ထူပွဲ အခမ်းအနားတွင် ရှမ်းပြည်နယ်အစိုးရ
အဖွဲ့ ပြည်နယ်ဝန်ကြီးချုပ် ဦးစိုင်းထိန်စိုး တက်ရောက် ဖဲကြိုးဖြတ်ဖွင့်လှစ်ပေး
———————————————————————
တောင်ကြီး မေ ၂၁ ရက်၊ ၂၀၂၆-ခုနှစ်၊
ရှမ်းပြည်နယ်(တောင်ပိုင်း)၊ တောင်ကြီးမြို့၊ သစ်တောရပ်ကွက်ရှိ အမှတ်(၁)အခြေခံပညာအထက်တန်းကျောင်းရှေ့၌ မေလ ၂၁ ရက်နံနက် ၉ နာရီက ၂၀၂၆-၂၀၂၇ ပညာသင်နှစ် ရှမ်းပြည်နယ်ကျောင်းအပ်နှံရေးသီတင်းပတ် မြေစိုက်ပိုစတာ စိုက်ထူပွဲ အခမ်းအနားကို ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစိုင်းထိန်စိုး တက်ရောက် ဖဲကြိုးဖြတ်ဖွင့်လှစ်ပေးခဲ့ပါသည်။
ရှေးဦးစွာ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစိုင်းထိန်စိုး၊ ရှမ်းပြည်နယ်လွှတ်တော်ဒုတိယဥက္ကဌ ဦးစိုင်းထွန်းစိန်၊ ပြည်နယ်လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးစိန်ဝင်း၊ရှမ်းပြည်နယ်အစိုးရအဖွဲ့ဝင်ပြည်နယ်လူမှုရေးရာဝန်ကြီး ဒေါ်နန်းခမ်းလူနှင့် ပြည်နယ်ပညာရေး ညွှန်ကြားရေးမှူး ဒေါ်ယဉ်မင်းစုတို့က၂၀၂၆-၂၀၂၇ပညာသင်နှစ် ရှမ်းပြည်နယ် ကျောင်းအပ်နှံရေး သီတင်းပတ် မြေစိုက်ပိုစတာအား ဖဲကြိုးဖြတ်၍ ဖွင့်လှစ်ပေးပြီး ကျောင်းအပ်နှံရေး သီတင်းပတ် မြေစိုက်ပိုစတာအား အမွှေးနံသာရည်များဖြန်းပက်ပေးခဲ့ကြောင်း သိရသည်။
ထို့နောက် ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဌနှင့် တာဝန်ရှိသူများက စုပေါင်းမှတ်တမ်းတင် ဓာတ်ပုံရိုက်ကူးခဲ့ကြောင်း သတင်းရရှိသည်။
