သတင်း

ဖေဖော်ဝါရီ(၁၇)ရက်၊ ၂၀၂၆ ဗန်းမက်ပြည်သူများက PNA ပြန်လည်ထိန်းချုပ်နိုင်ခဲ့တဲ့အတွက် ဝမ်းသာကြိုဆိုကြပြီး ရှေ့ဆက်အေးချမ်းစွာဖြင့် သွားလာနေထိုင်ရဖို့အတွက် ပြည်သူများကမျော်လင့်နေကြပါတယ် သတင်းနှင့်ပြန်ကြားရေး

ဗန်းမက်ကျေးရွာက မိဘပြည်သူများအား PNA ဆေးတပ်ဖွဲ့မှ ကျန်းမာရေးကုသပေး ဖေဖော်ဝါရီ (၁၂)ရက်၊ ၂၀၂၆ အထူးဒေသ(၆)၊ ဗန်းမက်ကျေးရွာက မိဘပြည်သူများအား (PNA)ဆေးတပ်ဖွဲ့ဝင်များမှ ကျန်မာရေးစောင့်ရှောက်မှု ကုသပေးခဲ့ပေးခဲ့ကြောင်းသိရပါသည်။ သတင်းနှင့်ပြန်ကြားရေး 09696666652

ဇန်နဝါရီ (၁၀)ရက်၊ ၂၀၂၆ အထူးဒေသ(၆)တွင် မှီတင်းနေထိုင်ကြသည့် ညီနောင်တိုင်းရင်းသားများအားလုံး တည်ငြိမ်အေးချမ်းစွာ နေထိုင်နိုင်ရေးအတွက် နိုင်ငံတော်နှင့်ပအိုဝ်းအမျိုးသားတပ်မတော်(PNA)တို့ ပူးပေါင်းပြီး နယ်မြေလုံခြုံရေးကိစ္စရပ်များကို ဆောင်ရွက်လျက်ရှိပါသည်။ ၂၀၂၀ ရွေးကောက်ပွဲပြဿနာကြောင့် နိုင်ငံရေးရှုပ်ထွေးပြီးနောက် အထူးဒေသ(၆)နယ်မြေသည် အတတ်နိုင်ဆုံး စစ်မီးများ မတောက်လောင်စေရန်နှင့် မိဘပြည်သူများစစ်ဘေးစစ်ဒဏ် မသင့်စေရန် ပအိုဝ်းအမျိုးသားတပ်မတော်(PNA)အနေနဲ့ ထိန်းသိမ်းဆောင်ရွက်ခဲ့ရာ အသက်ချွေးသွေး ပေးဆပ်ခဲ့သည့် တပ်ဖွဲ့ဝင်များလည်း ရှိခဲ့ပါသည်။ ၂၀၂၁-ခုနှစ်၊ မေလ(၂၁)ရက်နေ့မှာ ညောင်ရွှေမြို့နယ်၊ ထီရီးဖက်တွင် နယ်မြေလုံခြုံရေးဆောင်ရွက်သည့် တာဝန်ခံတစ်ဦးဖြစ်သည့် ဆရာလာကို အကြမ်းဖက်သောင်းကျန်းသူများက ရက်စက်စွာသတ်ဖြတ်ခဲ့သလို ပင်လောင်းမြို့နယ်၊ လုံးပဉ်ကျေးရွာအုပ်စု၊ နန်းနိန်းကျောင်းထိုင်ဆရာတော်များနှင့် ဒေသခံမိဘပြည်သူများ (၃၀)ကျော်ကိုလည်း အကြမ်းဖက်သောင်းကျန်းသူများက သတ်ဖြတ်ခဲ့ကြပါသည်။ ထို့အပြင် ၂၀၂၃ ကနေ ၂၀၂၅ အထိ ပင်လောင်းမြို့နယ် တောင်ဖက်ခြမ်းကျေးရွာများ၊ ညောင်ရွှေမြို့နယ် တောင်ဖက်ခြမ်း၊ ဆီဆိုင်မြို့နယ်၊ ဟိုပုံးမြို့နယ် အရှေ့ဖက်ခြမ်းက [...]

ဒီဇင်ဘာ (၉)ရက်၊ ၂၀၂၅ ပအိုဝ်းအမျိုးသားတပ်မတော်(PNA) သူရိယခမ်း၊ ဒုတိယဗိုလ်မှုးကြီးခွန်ကျော်သိန်းဦးဆောင်ပြီး ဆီဆိုင်မြို့နယ်၊ ပြည်သူလူထုများ လုံခြုံအေးချမ်းစွာ နေထိုင်နိုင်ရေးအတွက် နေ့စဥ် (PNA)အဖွဲ့များက ဆောင်ရွက်နေလျက်ရှိရာ သောင်းကျန်းသူများ ထောင်ထားခဲ့သည့် မိုင်းများကိုလည်း များစွာဖော်ထုတ်ရှင်းလင်းနိုင်ခဲ့ပါသည်။ သတင်းနှင့်ပြန်ကြားရေး 09696666652

အောက်တိုဘာ (၁၀)ရက်၊ ၂၀၂၅ အထူးဒေသ(၆)၊ ပင်လောင်းမြို့နယ်၊ လုံးပျဥ်ကျေးရွာအုပ်စု၊ မြောက်စလုံးကျေးရွာထဲကို သောင်းကျန်းသူများက (၄)နှစ်ကျော်ကြာ ကျူးကျော် ခိုအောင်းစခန်းချ နေထိုင်ခဲ့ပြီး အောက်တိုဘာ (၉/၁၀)ရက် နေ့မှာတော့ နိုင်ငံတော်နှင့် ပအိုဝ်းအမျိုးသားတပ်တော်(PNA)တို့ ပူးပေါင်းပြီး နယ်မြေရှင်းရေး ဆောင်ရွက်နိုင်ခဲ့ပြီဖြစ်ပါသည်။ အကြမ်းဖက်သောင်းကျန်းသူများက ပြန်လည်ဆုတ်ခွါသွားတဲ့အချိန်မှာ မြောက်စလုံးပြည်သူများ နေအိမ်အချို့ကို မီးရှို့ဖျက်ဆီးခဲ့ကြောင်းသိရပါသည်။အကြမ်းဖက်သောင်းကျန်းသူများဟာ ဆောင်းပြောင်းကျေးရွာနှင့် ညောင်ရွှေမြို့နယ်၊ ဘုရားတောင်ရွာ၊ ဆီဆိုင်မြို့နယ်၊ ဟိုပုံးမြို့နယ် နန်းဟူးရွာ၊ ပင်လျမ်ꩻရွာတို့ကိုလည်း မီးရှို့ဖျက်ဆီးခဲ့သော သာဓကတွေလည်း ရှိခဲ့ပါသည်။ မြောက်စလုံးကျေးရွာထဲတွင် အကြမ်းဖက်သောင်းကျန်းသူများ ထောင်ထားခဲ့သည့် မိုင်းများရှင်းလင်းပြီးလျှင် ဒေသခံပြည်သူများ နေရပ်ကို ပြန်လာနေနိုင်တော့မှာဖြစ်ပါသည်။ (PNA) သတင်းနှင့်ပြန်ကြားရေး

အထူးဒေသ(၆)၊ စက်တင်ဘာလ(၁၁) ရက်၊ ၂၀၂၅ ဒီကနေ့ သက္ကရာဇ် ၁၃၈၇ခုနှစ်၊ တော်တလင်းလပြည့်ကျော် (၅)ရက်နေ့၊ ၂၀၂၅ခုနှစ်၊ စက်တင်ဘာလ ၁၁ ရက်နေ့၊ ရှမ်းပြည်နယ်တောင်ပိုင်း၊တောင်ကြီးမြို့နယ်၊ ကျောက်တလုံးကြီးမြို့နယ်ခွဲ၊ ပင်တွန်းကျေးရွာအနီးရှိ ပအိုဝ်းအမျိုးသားအာဇာနည်ကုန်းတွင် နှစ်(၅၀)ကြိမ်မြောက် ပအိုဝ်းအမျိုးသားအာဇာနည်နေ့ အခမ်းအနားကို ပြုလုပ်ကျင်းပခဲ့ပါသည်။ ဒီကနေ့ပြုလုပ်သော (၅၀)ကြိမ်မြောက် ပအိုဝ်းအမျိုးသားအာဇာနည်နေ့အခမ်းအနားတွင် ပအိုဝ်းအမျိုးသားအလံလွင့်တင်ခြင်း၊ ပအိုဝ်းအမျိုးသားအလံအားအလေးပြုခြင်း၊ ကျဆုံးလေပြီးသော ပအိုဝ်းအမျိုးသားခေါင်းဆောင်ဖြားဗွာလှဖေနှင့်တကွအာဇာနည်ခေါင်းဆောင်ကြီးများအား အလေးပြုခြင်း၊ ပအိုဝ်းအမျိုးသားအလံတော်အား အလံတိုင်တဝက်ချ လွင့်ထူကာ အောက်မေ့သတိရ ဝမ်းနည်းခြင်းအနေဖြင့် တစ်မိနစ်ခန့် ငြိမ်သက်စွာနေခြင်း၊ လွမ်းသူပန်းခွေချခြင်း များပြုလုပ်ခဲ့ပါသည်။ ထို့နောက် ပင်တွန်းဘုန်းတော်ကြီးကျောင်း၊ ပထမမဟာဝိဟာရကျောင်းတိုက်၌ ကျဆုံးသွာသော ပအိုဝ်းအာဇာနည်ပုဂ္ဂိုလ်များကို ရည်စူး၍ သံဃာတော်များထံမှ တရားတော်နာကြားခြင်း၊ နေ့လယ်ဆွမ်းကပ်လှူခြင်း၊ သင်္ကန်းနှင့်လှူဖွယ်ဝတ္ထုများကပ်လှူခြင်း၊ ရေစက်ချ အမျှဝေခြင်းများ ပြုလုပ်ခဲ့ပါသည် ။ အဆိုပါအခမ်းအနားသို့ အမျိုးသားကာကွယ်ရေးနှင့် လုံခြုံရေးကောင်စီ [...]